Aquí tedes os nomes e os rostros deses once homes e mulleres sen piedade e do seu infame caudillo que onte, ás agachadas, pasaron con letras ben grandes a historia da ignominia como verdugos da nosa lingua. Aprendédeos ben e transmitídeos aos vosos fillos para que eles o fagan a súas vez aos seus, xeración tras xeración. Nin esquecer nin perdoar.
E agora hai que prepararse, fornecerse ben para comezar a loita. Non vos desexo bo aninovo, pois non o vai ser, mais sei que nos atoparemos nas rúas, nas escolas e nas prazas berrando ben alto en defensa da nosa lingua. Alí nos vemos.
Un rápida lectura das bases aprobadas onte (graciñas Martin) acreditan a covardía política de Feijoo e os seus sicarios trasladando o problema da lingua ás escolas, aos pais e aos educadores con esa consulta vinculante que é un auténtico diparate xurídico. Temos todas as accións legais da nosa parte para recorrelo cando se aprobe: ningúen pode obrigar legalmente aos meus fillos a estudar nunha lingua non oficial neste país, iso supón unha clara conculcación dos seus dereitos fundamentais. Amais, nestas bases fálase sempre de lingua estranxeira, sen especificar, e se votamos para que as clases de coñecemento sexan en chinés ou en arameo? E o máis importante, somo nós, pais e nais, os que levabamos aos nosos fillos ás escolas, se podemos escoller a lingua á carta, podemos tamén deixalos na casa ata que se garantan á totalidade dos seus dereitos lingüísticos: penso que ao cabo ese vai ser o camiño, a nosa maior arma de loita, a non escolarización, haberá que ir pensando en como nos organizamos.
Asemade das trece páxinas do PDF, e da redución ao 33 % que xa coñecíamos, o máis importante é este apartado, a verdadeira trampa:
01:50 on Decembro 31st, 2009 1
Sicarios do bipartito dando recados a sicarios do feixismo. Imos pasalo moi pero que moi ben!
03:48 on Decembro 31st, 2009 2
O problema para min está aquí:
3. En todas as áreas, materias ou módulos impartidos en galego ou castelán o alumnado poderá utilizar nas manifestacións oral e escrita a lingua oficial da súa preferencia.
Se o alumno pode desenvolverse unicamente na lingua da súa preferencia, dispón de material pedagóxico nesa lingua e ademais non ten ningunha obriga de empregar a outra a non ser na asignatura específica, como vai adquirir un coñecemento pleno das dúas?
11:25 on Decembro 31st, 2009 3
Martin ese é o bilinguismo cordial do que falan: libro en galego pero deberes e exames en castelán. O proceso diglósico vai ser imparable…
11:29 on Decembro 31st, 2009 4
Por certo, algún equilibrista http://www.lavozdegalicia.es/opinion/2009/12/31/0003_8201562.htm xa ladrou lixeiro á voz do seu amo.
11:52 on Decembro 31st, 2009 5
Si, aquí o equilibrista escribiu en galego. Copioulle a Ventoso cando lle quere dar un bo mandoble á nosa lingua.
12:05 on Decembro 31st, 2009 6
A Caneiro afectoulle a gripe A. Segue a opositar a parvo do pobo. Se non estivera onde está nin nos enterariamos de que existe
12:41 on Decembro 31st, 2009 7
Caneiro = sicario do feixisimo
Calveiro = sicario do bipartito
Por se alguén tiña dúbidas, xa quedou todo claro.
14:32 on Decembro 31st, 2009 8
O tal Parvo (trón) falando de sicarios! Pois véselle ben a orella!
Moi ben polo post,señor Folerpa. Ánimo, que hai moito que facer!
18:45 on Decembro 31st, 2009 9
Parvotrón se quere falar de sicarios lea un pouquiño: http://www.publico.es/culturas/281742/familiares/miguel/hernandez/piden/retirada/poemario/anti/zapatero.
Bilinguismo cordial. Onde terán estes o corazón…Buf!
20:36 on Xaneiro 3rd, 2010 10
E a respeito do tal Parvo (trón), que se dedica a recorrer todos os blogues, lixando , insultando, enmerdando, como no post das 12,41 , non sería mellor simplemente ignoralo?